(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.164. అధ్యాయః 164
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
యుధిష్ఠిరేణి భీష్మంప్రతి దరిద్రాణాం యజ్ఞస్య బహుద్రవ్యసాధ్యత్వేన దుష్కరతయా తత్ఫలప్రాప్త్యై తత్ప్రతినిధికథనప్రార్థనా॥ 1 ॥
భీష్మేణ యుధిష్ఠిరంప్రతి ఏకైకదినవృద్ధ్యా మాసావధ్యుపవాసస్య యజ్ఞప్రతినిధిత్వకథనం॥ 2 ॥
Mahabharata - Anushaasana Parva - Chapter Text

యుధిష్ఠిర ఉవాచ।

పితామహేన విధివద్యజ్ఞాః ప్రోక్తా మహాత్మనా।
గుణాశ్చైషాం యథాతథ్యం ప్రేత్య చేహ చ సర్వశః॥ 13-164-1(87884)
న తై శక్యా దరిద్రేణ యజ్ఞాః ప్రాప్తుం పితామహ।
బహూపకరణా యజ్ఞా నానాసంభారవిస్తరాః॥ 13-164-2(87885)
పార్థివై రాజపుత్రైర్వా శక్యాః ప్రాప్తుం పితామహ।
నార్థన్యూనైరవగుణైరేకాత్మభిరసంహతైః॥ 13-164-3(87886)
యో దరిద్రైరపి విధిః శక్యః ప్రాప్తుం సదా భవేత్।
అర్థన్యూనైరవగుణైరేకాత్మభిరసంహతైః।
తుల్యో యజ్ఞఫలైరేతైస్తన్మే బ్రూహి పితామహ॥ 13-164-4(87887)
భీష్మ ఉవాచ। 13-164-5x(7369)
ఇదమంగిరసా ప్రోక్తముపవాసఫలాత్మకం।
విధిం యజ్ఞఫలైస్తుల్యం తన్నిబోధ యుధిష్ఠిర॥ 13-164-5(87888)
యస్తు కల్యం తథా సాయం భుంజానో నాంతరా పిబేత్।
అహింసానిరతో నిత్యం జుహ్వానో జాతవేదసం।
షడ్భిరేవ స వర్షైస్తు సిధ్యతే నాత్ర సంశయః॥ 13-164-6(87889)
తప్తకాంచనవర్ణం చ విమానం లభతే నరః।
దేవస్త్రీణామధీవాసే నృత్తగీతనినాదితే।
ప్రాజాపత్యే వసేత్పద్మం వర్షాణామగ్నిసన్నిభే॥ 13-164-7(87890)
త్రీణి వర్షాణి యః ప్రాశేత్సతతం త్వేకభోజనం।
ధర్మత్నీరతో నిత్యమగ్నిష్టోమఫలం లభేత్।
యజ్ఞం బహుసువర్ణం వా వాసవప్రియమాచరేత్॥ 13-164-8(87891)
సత్యవాందానశీలశ్చ బ్రహ్మణ్యశ్చానసూయకః।
క్షాంతో దాంతో జితక్రోధః స గచ్ఛతి పరాం గతిం॥ 13-164-9(87892)
పాండురాభ్రపతీకాశే విమానే హంసలక్షణే।
ద్వే సమాప్తే తతః పద్మే సోప్సరోభిర్వసేత్సహ॥ 13-164-10(87893)
ద్వితీయే దివసే యస్తు ప్రాశ్నీయాదేకభోజనం।
సదా ద్వాదశమాసాంస్తు జుహ్వానో జాతవేదసం॥ 13-164-11(87894)
అగ్నికార్యపరో నిత్యం నిత్యం కల్యప్రబోధనః।
అగ్నిష్టోమస్య యజ్ఞస్య ఫలం ప్రాప్నోతి మానవః॥ 13-164-12(87895)
హంససారసయుక్తం చ విమానం లభతే నరః।
ఇంద్రలోకే చ వసతే వరస్త్రీభిః సమావృతః॥ 13-164-13(87896)
తృతీయే దివసే యస్తు ప్రాశ్నీయాదేకభోజనం।
సదా ద్వాదశమాసాంస్తు జుహ్వానో జాతవేదసం॥ 13-164-14(87897)
అగ్నికార్యపరో నిత్యం నిత్యం కల్యప్రబోధనః।
అతిరాత్రస్య యజ్ఞస్య ఫలం ప్రాప్నోత్యనుత్తమం॥ 13-164-15(87898)
మయూరహంసయుక్తం చ విమానం లభతే నరః।
సప్తర్షీణాం సదా లోకే సోప్సరోభిర్వసేత్సహ।
నివర్తనం చ తత్రాస్య త్రీణి పద్మాని వై విదుః॥ 13-164-16(87899)
దివసే యశ్చతుర్థే తు ప్రాశ్నీయాదేకభోజనం।
సదా ద్వాదశమాసాన్వై జుహ్వానో జాతవేదసం।
వాజపేయస్య యజ్ఞస్య ఫలం ప్రాప్నీత్యనుత్తమం। 13-164-17(87900)
ఇంద్రికన్యాభిరూఢం చ విమాన లభతే నరః।
సాగరస్య చ పర్యంతే వాసవం లోకమావసేత్।
దేవరాజస్య చ క్రీడాం నిత్యకాలమవేక్షతే॥ 13-164-18(87901)
దివసే పంచమే యస్తు ప్రాశ్నీయాదైకభోజనం।
సదా ద్వాదశమాసాంస్తు జుహ్వానో జాతవేదసం॥ 13-164-19(87902)
అలుబ్ధః। సత్యవాదీ చ బ్రహ్మణ్యశ్చావిహింసకః।
అనసూయురపాపస్థో ద్వాదశాహఫలం లభేత్॥ 13-164-20(87903)
జాంబూనదమయం దివ్యం విమానం హంసలక్షణం।
సూర్యమాలాసమాభాసమారోహేత్పాండురం గుహం॥ 13-164-21(87904)
ఆవర్తనాని చత్వారి తథా పద్మాని ద్వాదశ।
శరాగ్నిపరిమాణం చ తత్రాసౌ వసతే సుఖం॥ 13-164-22(87905)
దివసే యస్తు షష్ఠే వై మునిః ప్రాశేత భోజనం।
సదా ద్వాదశమాసాన్వై జుహ్వానో జాతవేదసం॥ 13-164-23(87906)
సదా త్రిషవణస్నాయీ బ్రహ్మచార్యనసూయకః।
గవామయనయజ్ఞస్య ఫలం ప్రాప్నోత్యనుత్తమం॥ 13-164-24(87907)
అగ్నిజ్వాలాసమాభాసం హంసబర్హిణసేవితం।
శాతకుంభసమాయుక్తం సాధయేద్యానముత్తమం॥ 13-164-25(87908)
తథైవాప్సరసామంకే ప్రతిసుప్తః ప్రబోధ్యతే।
నూపురాణాం నినాదేన మేఖలానాం చ నిఃస్వనైః॥ 13-164-26(87909)
కోటీసహస్రం వర్షాణాం త్రీణి కోటిశతాని చ।
పద్మాన్యష్టాదశ తథా పతాకే ద్వే తథైవ చ॥ 13-164-27(87910)
అయుతాని చ పంచశదృక్షచర్మశతస్య చ।
లోంనాం ప్రమాణేన సమం బ్రహ్మలోకే మహీయతే॥ 13-164-28(87911)
దివసే సప్తమే యస్తు ప్రాశ్నీయాదేకభోజనం।
సదా ద్వాదశమాసాన్వై జుహ్వానో జాతవేదసం॥ 13-164-29(87912)
సరస్వతీం గోపయానో బ్రహ్మచర్యం సమాచరన్।
సుమనోవర్ణకం చైవ మధు మాంసం చ వర్జయన్॥ 13-164-30(87913)
పురుషో మరుతాం లోకమింద్రలోకం చ గచ్ఛతి।
తత్రతత్ర హి సిద్ధార్థో దేవకన్యాభిరుహ్యతే॥ 13-164-31(87914)
ఫలం బహుసువర్ణస్య యజ్ఞస్య లభతే నరః।
సంఖ్యామతిగుణాం చాపి తేషు లోకేషు మోదతే॥ 13-164-32(87915)
యస్తు సంవత్సరం క్షాంతో భుంక్తేఽహన్యష్టమే నరః।
దేవకార్యపరో నిత్యం జుహ్వానో జాతవేదసం॥ 13-164-33(87916)
పౌండరీకస్య యజ్ఞస్య ఫలం ప్రాప్నోత్యనుత్తమం।
పద్మవర్ణనిభం చైవ విమానమధిరోహతి॥ 13-164-34(87917)
మృష్టాః కనకగౌర్యశ్చ నార్యః శ్యామాస్తథా పరాః।
వయోరూపవిలాసిన్యో లభతే నాత్ర సంశయః॥ 13-164-35(87918)
యస్తు సంవత్సరం భుంక్తే నవమేనవమేఽహని।
సదా ద్వాదశమాసాన్వై జుహ్వానో జాతవేదసం॥ 13-164-36(87919)
అశ్వమేధసహస్రస్య ఫలం ప్రాప్నోత్యనుత్తమం।
పుండరీకప్రకాశం చ విమానం లభతే నరః॥ 13-164-37(87920)
దీప్తసూర్యాగ్నితేజోభిర్దివ్యమాలాభిరేవ చ।
నీయతే రుద్రకన్యాభిః సోంతరిక్షం సనాతనం॥ 13-164-38(87921)
అష్టాదశసహస్రాణి వర్షాణాం కల్పమేవ చ।
కోటీశతసహస్రం చ తేషు లోకేషు మోదతే॥ 13-164-39(87922)
యస్తు సంవత్సరం భుంక్తే దశాహే వై గతేగతే।
సదా ద్వాదశ మాసాన్వై జుహ్వానో జాతవేదసం॥ 13-164-40(87923)
బ్రహ్మకన్యానివాసే స సర్వభూతమనోహరే।
అశ్వమేధసహస్రస్య ఫలం ప్రాప్నోత్యనుత్తమం॥ 13-164-41(87924)
రూపవత్యశ్చ తం కన్యా రమయంతి సదా నరం।
నీలోత్పలనిభైర్వర్ణై రక్తోత్పలనిభైస్తథా॥ 13-164-42(87925)
విమానం మండలావర్తమావర్తగహనాకులం।
సాగరోర్మిప్రతీకాశం స లభేద్యానముత్తమం॥ 13-164-43(87926)
విచిత్రమణిమాలాభిర్నాదితం శంఖనిఃస్వనైః।
స్ఫాటికైర్వజ్రసారైశ్చ స్తంభైః సుకృతవేదికం।
ఆరోహతి మహద్యానం హంససారసవాహనం॥ 13-164-44(87927)
ఏకాదశే తు దివసే యః ప్రాప్తే ప్రాశతే హవిః।
సదా ద్వాదశమాసాంస్తు జుహ్వానో జాతవేదసం॥ 13-164-45(87928)
పరిస్త్రియం నాభిలషేద్వాచాథ మనసాఽపి వా।
అనృతం చ న భాషేత మాతాపిత్రోఃక కృతేఽపి వా।
అభిగచ్ఛేన్మహాదేవం విమానస్థం మహాబలం॥ 13-164-46(87929)
అశ్వమేధసహస్రస్య ఫలం ప్రాప్నోత్యనుత్తమం।
స్వాయంభువం చ పశ్యేత విమానం సముపస్థితం॥ 13-164-47(87930)
కుమార్యః కాంచనాభాసా రూపవత్యో నయంతి తం।
రుద్రాణాం తమధీవాసం దివి దివ్యం మనోహరం॥ 13-164-48(87931)
వర్షాణ్యపరిమేయాని యుగాంతమపి చావసేత్।
కోటీశతసహస్రం చ దశకోటిశతాని చ॥ 13-164-49(87932)
రుద్రం నిత్యం ప్రణమతే దేవదానవసంమతం।
స తస్మై దర్శనం ప్రాప్తో దివసేదివసే భవేత్॥ 13-164-50(87933)
దివసే ద్వాదశే యస్తు ప్రాప్తో వై ప్రాశతే హవిః।
సదా ద్వాదశ మాసాన్వై జుహ్వానో జాతవేదసం॥ 13-164-51(87934)
నియమేన సమాయుక్తః సర్వమేధఫలం లభేత।
ఆదిత్యైర్ద్వాదశైస్తస్య విమానం సంవిధీయతే॥ 13-164-52(87935)
మణిముక్తాప్రవాలైశ్చ మహార్హైరుపశోభితం।
హంసభాసా పరిక్షిప్తం నాగవీథీసమాకులం॥ 13-164-53(87936)
మయూరైశ్చక్రవాకైశ్చ కూజద్భిరుపశోభితం।
అట్టైర్మహద్భిః సంయుక్తం బ్రహ్మలోకే ప్రతిష్ఠితం॥ 13-164-54(87937)
నిత్యమావసథం రాజన్నరనారీసమావృతం।
ఋషిరేవం మహాభాగస్త్వంగిరాః ప్రాహ ధర్మివిత్॥ 13-164-55(87938)
త్రయోదశే తు దివసే ప్రాప్తే యః ప్రాశతే హవిః।
సదా ద్వాదశ మాసాన్వై దేవసత్రఫలం లభేత్॥ 13-164-56(87939)
రక్తపద్మోదయం నామ విమానం సాధయేన్నరః।
జాతరూపప్రయుక్తం చ రత్నసంచయభూషితం॥ 13-164-57(87940)
దేవకన్యాభిరాకీర్ణం దివ్యాభరణభూషితం।
పుణ్యగంధోదయం దివ్యం వాదిత్రైరుపశోభితం॥ 13-164-58(87941)
తత్ర శంకుపతాకే ద్వే యుగాంతం కల్పమేవ చ।
అయుతాయుతం తథా పద్మం సముద్రం చ తథా వసేత్॥ 13-164-59(87942)
గీతగంధర్వఘోషైశ్చ భేరీపణవనిఃస్వనైః।
సదా ప్రహ్లాదితస్తాభిర్దేవకన్యాభిరీడ్యతే॥ 13-164-60(87943)
చతుర్దశే తు దివసే యః పూర్ణే ప్రాశతే హవిః।
సదా ద్వాదశమాసాంస్తు మహామేధఫలం లభేత్॥ 13-164-61(87944)
అనిర్దేశ్యవయోరూపా దేవకన్యాః స్వలంకృతాః।
మృష్టతప్తాంగదధరా విమానైరుపయాంతి తం॥ 13-164-62(87945)
కలహంసవినిర్ఘోషైర్నూపురాణాం చ నిఃఖనైః।
కాంచీనాం చ సముత్కర్షైస్తత్రతత్ర నిబోధ్యతే॥ 13-164-63(87946)
దేవకన్యానివాసే చ తస్మిన్వసతి మానవః।
జాహ్నవీవాలుకాకీర్ణం పూర్ణం సంవత్సరం నరః॥ 13-164-64(87947)
యస్తు పక్షే గతే భుంక్తే ఏకభక్తం జితేంద్రియః।
సదా ద్వాదశమాసాంస్తు జుహ్వానో జాతవేదసం॥ 13-164-65(87948)
రాజసూయసహస్రస్య ఫలం ప్రాప్నోత్యనుత్తమం।
యానమారోహతే దివ్యం హంసబర్హిణలక్షణం॥ 13-164-66(87949)
మణిమండలకైశ్చిత్రం జాతరూపసమావృతం।
దివ్యాభరణశోభాభిర్వరస్త్రీభిరలంకృతం॥ 13-164-67(87950)
ఏకస్తంభం చతుర్ద్వారం సప్తభౌమం సుమంగలం।
వైజయంతీసహస్రైశ్చ శోభితం గీతనిఃస్వనై।
దివ్యం దివ్యగుణోపేతం విమానమధిరోహతి॥ 13-164-68(87951)
మణిముక్తాప్రవాలైశ్చ భూషితం వైద్యుతప్రభం।
వసేద్యుగసహస్రం చ ఖడ్గకుంజరవాహనః॥ 13-164-69(87952)
షోడశే దివసే యస్తు సంప్రాప్తే ప్రాశతే హవిః।
సదా ద్వాదశమాసాన్వై సోమయజ్ఞఫలం లభేత్॥ 13-164-70(87953)
సోమకన్యానివాసేషు సోఽధ్యావసతి నిత్యశః।
సౌంయగంధానులిప్తశ్చ కామచారగతిర్భవేత్॥ 13-164-71(87954)
సుదర్శనాభిర్నారీభిర్మధురాభిస్తథైవ చ।
అర్చ్యతే వై విమానస్థః కామభోగైశ్చ సేవ్యతే॥ 13-164-72(87955)
ఫలం పద్మశతప్రఖ్యం మహాకల్పం దశాధికం।
ఆవర్తనాని చత్వారి సాధయేచ్చాప్యసౌ నరః॥ 13-164-73(87956)
దివసే సప్తదశమే యః ప్రాప్తే ప్రాశతే హవిః।
సదా ద్వాదశమాసాన్వై జుహ్వానో జాతవేదసం॥ 13-164-74(87957)
స్థానం వారుణమైంద్రం చ రౌద్రం వాఽప్యధిగచ్ఛతి॥ 13-164-75(87958)
మారుతం శయనం చైవ బ్రహ్మలోకం స గచ్ఛతి।
తత్ర దైవతకన్యాభిరాసనేనోపచర్యతే॥ 13-164-76(87959)
భూర్భువఃస్వశ్చ దేవర్షిర్విశ్వరూపమవేక్షతే।
తత్ర దేవాధిదేవస్య కుమార్యో రమయంతి తం।
ద్వాత్రింశద్రూపదారిణ్యో మధురాః సమలంకృతాః॥ 13-164-77(87960)
చంద్రాదిత్యావుభౌ యావద్గగతే చరతః ప్రభో।
తావచ్చరత్యసౌ ధీరః సుధాతుల్యరసాశనః॥ 13-164-78(87961)
అష్టాదశే యో దివసే ప్రాశ్నీయాదేకభోజనం।
సదా ద్వాదశమాసాన్వై సప్తలోకాన్స పశ్యతి॥ 13-164-79(87962)
రథైః స నందిఘోషైశ్చ పృష్ఠతః సోఽనుగంయతే।
దేవకన్యాధిరూఢైస్తు భ్రాజమానైః స్వలంకృతైః॥ 13-164-80(87963)
వ్యాఘ్రసింహప్రయుక్తం చ మేఘస్వననినాదితం।
విమానముత్తమం దివ్యం సుసుఖి హ్యధిరోహతి॥ 13-164-81(87964)
తత్ర కల్పసహస్రం స కన్యాభిః సహ మోదతే।
సుధారసం చ భుంజీత అమృతోపమముత్తమం॥ 13-164-82(87965)
ఏకోనవింశదివసే యో భుంక్తే ఏకభోజనం।
సదా ద్వాదశమాసాన్వై సప్త లోకాన్స పశ్యతి॥ 13-164-83(87966)
ఉత్తమం లభతే స్థానమప్సరోగణసేవితం।
గంధర్వైరుపగీతం చ విమానం సూర్యవర్చసం॥ 13-164-84(87967)
తత్రామరవరస్త్రీభిర్మోదతే విగతజ్వరః।
దివ్యాంబరధరః శ్రీమానయుతానాం శతంశతం॥ 13-164-85(87968)
పూర్ణేఽథ వింశే దివసే యో భుంక్తే హ్యేకభోజనం।
సదా ద్వాదశమాసాంస్తు సత్యవాదీ ధృతవ్రతః॥ 13-164-86(87969)
అమాంసాశీ బ్రహ్మచారీ సర్వభూతహితే రతః।
స లోకాన్విపులాన్రంయానాదిత్యానాముపాశ్నుతే॥ 13-164-87(87970)
గంధర్వైరప్సరోభిశ్చ దివ్యమాల్యానులేపనైః।
విమానైః కాంచనైర్హృద్యైః పృష్ఠతశ్చానుగంయతే॥ 13-164-88(87971)
ఏకవింశో తు దివసే యో భుంక్తే హ్యేకభోజనం।
సదా ద్వాదశమాసాన్వై జుహ్వానో జాతవేదసం।
లోకమౌశనసం దివ్యం శక్రలోకం చ గచ్ఛతి॥ 13-164-89(87972)
అశ్వినోర్మరుతాం చైవ సుఖేష్వభిరతః సదా।
అనభిజ్ఞశ్చ దుఃఖానాం విమానవరమాస్థితః।
సేవ్యమానో వరస్త్రీభిః క్రీడత్యమరవత్ప్రభుః॥ 13-164-90(87973)
ద్వావింశే దివసే ప్రాప్తే యో భుంక్తే హ్యేకభోజనం।
సదా ద్వాదశ మాసాన్వై జుహ్వానో జాతవేదసం॥ 13-164-91(87974)
అహింసానిరతో ధీమాన్సత్యవాగనసూయకః।
లోకాన్వసూనామాప్నోతి దివాకరసమప్రభః॥ 13-164-92(87975)
కామచారీ సుధాహారో విమానవరమాస్థితః।
రమతే దేవకన్యాభిర్దివ్యాభరణభూషితః॥ 13-164-93(87976)
త్రయోవింశే తు దివసే ప్రాశేద్యస్త్వేకభోజనం।
సదా ద్వాదశమాసాంస్తు మితాహారో జితేంద్రియః।
వాయోరుశనసస్చైవ రుద్రలోకం చ గచ్ఛతి॥ 13-164-94(87977)
కామచారీ కామగమః పూజ్యమానోఽప్సరోగణైః।
అనేకయుగపర్యంతం విమానవరమాస్థితః।
రమతే దేవకన్యాభిర్దివ్యాభరణభూషితః॥ 13-164-95(87978)
చతుర్వింశే తు దివసే యః ప్రాప్తే ప్రాశతే హవిః।
సదా ద్వాదశమాసాంశ్చ జుహ్వానో జాతవేదసం।
ఆదిత్యానామధీవాసే మోదమానో వసేచ్చిరం॥ 13-164-96(87979)
దివ్యమాల్యాంబరధరో దివ్యగంధానులేపనః।
విమానే కాంచనే దివ్యే హంసయుక్తే మనోరమే।
రమతే దేవకన్యానాం సహస్రైరయుతైస్తథా॥ 13-164-97(87980)
పంచవింశే తు దివసే యః ప్రాశేదేకభోజనం।
సదా ద్వాదశమాసాంస్తు పుష్కలం యానమారుహేత్॥ 13-164-98(87981)
సింహవ్యాగ్రప్రయుక్తైస్తు మేఘనిఃస్వననాదితైః।
స రథైర్నందిఘోషైశ్చ పృష్ఠతో హ్యనుగంయతే।
దేవకన్యాసమారూఢైః కాంచనైర్విమలైః శుభైః॥ 13-164-99(87982)
విమానముత్తమం దివ్యమాస్థాయ సుమనోహరం।
తత్ర కల్పసహస్రం వై వసతే స్త్రీశతావృతే।
సుధారసం చోపజీవన్నమృతోపమముత్తమం॥ 13-164-100(87983)
షడ్వింశే దివసే యస్తు ప్రకుర్యాదేకభోజనం।
సదా ద్వాదశమాసాంస్తు నియతో నియతాశనః।
జితేంద్రియో వీతరాగో జుహ్వానో జాతవేదసం॥ 13-164-101(87984)
స ప్రాప్నోతి మహాభాగః పూజ్యమానోఽప్సరోగణైః।
సప్తానాం మరుతాం లోకాన్వసూనాం చాపి సోశ్నుతే॥ 13-164-102(87985)
విమానైః స్ఫాటికైర్దివ్యైఃఇ సర్వరత్నైరలంకృతైః।
గంధర్వైరప్సరోభిశ్చి పూజ్యమానః ప్రమోదతే।
ద్వేఽర్బుదానాం సహస్రే తు దివ్యే దివ్యేన తేజసా॥ 13-164-103(87986)
సప్తవింశేఽథ దివసే యః కుర్యాదేకభోజనం।
సదా ద్వాదశమాసాంస్తు జుహ్వానో జాతవేదసం॥ 13-164-104(87987)
ఫలం ప్రాప్నోతి విపులం దేవలోకే చ పూజ్యతే।
అమృతాశీ వసంస్తత్ర స వితృపః ప్రమోదతే॥ 13-164-105(87988)
దేవర్షిచరితాఁల్లోకాన్రాజర్షిభిరనుష్ఠితాన్।
అధ్యావసతి దివ్యాత్మా విమానవరమాస్థితః॥ 13-164-106(87989)
స్త్రీభిర్మినోభిరామాభీ రమమాణో మదోత్కటః।
యుగకల్పసహస్రాణి త్రీణ్యావసతి వై సుఖం॥ 13-164-107(87990)
యోఽష్టావింశే తు దివసే ప్రాశ్నీయాదేకభోజనం।
సదా ద్వాదశమాసాంస్తు జితాత్మా విజితేంద్రియః॥ 13-164-108(87991)
ఫలం దేవర్షిచరితం విపులం సముపాశ్నుతే।
భోగవాంస్తేజసా భాతి సహస్రాంశురివామలః॥ 13-164-109(87992)
సుకుమార్యశ్చ నార్యస్తం రమమాణాః సువర్చసః।
పీనస్తనోరుజఘనా దివ్యాభరణభూషితాః॥ 13-164-110(87993)
రమయంతి మనఃకాంతా విమానే సూర్యసన్నిబే।
సర్వకామగమే దివ్యే కల్పాయుతశతం సమాః॥ 13-164-111(87994)
ఏకోనత్రింశదివసే యః ప్రాశేదేకభోజనం।
తస్య లోకాః శుభా దివ్యా దేవరాజర్షిపూజితాః॥
తస్య లోకాః శుభా దివ్యా దేవరాజర్షిపూజితాః॥ 13-164-112(87995)
విమానం సూర్యచంద్రాభం దివ్యం సమధిగచ్ఛతి।
జాతరూపమయం యుక్తం సర్వరత్నసమన్వితం।
అప్సరోగణసంకీర్ణం గంధర్వైరభినాదితం॥ 13-164-113(87996)
తత్ర చైనం శుభా నార్యో దివ్యాభరణభూషితాః।
మనోభిరామా మధురా రమయంతి మదోత్కటాః॥ 13-164-114(87997)
భోగవాంస్తేజసా యుక్తో వైశ్వానరసమప్రభః।
దివ్యో దివ్యేన వపుషా భ్రాజమాన ఇవామరః॥ 13-164-115(87998)
వసూనాం మరుతాం చైవ సాధ్యానామశ్వినోస్తథా।
రుద్రాణాం చ తథా లోకం బ్రహ్మలోకం చ గచ్ఛతి॥ 13-164-116(87999)
యస్తు మాసే గతే భుంక్తే ఏకభక్తం సమాహితః।
సదా ద్వాదశ మాసాన్వై బ్రహ్ంలోకమవాప్నుయాత్॥ 13-164-117(88000)
సుధారసకృతాహార శ్రీమాన్సర్వమనోహరః।
తేజసా వపుషా లక్ష్ంయా భ్రాజతే రశ్మివానివ॥ 13-164-118(88001)
దివ్యమాల్యాంబరధరో దివ్యగంధానులేపనః।
సుఖేష్వభిరతో భోగీ దుఃఖానామవిజానకః॥ 13-164-119(88002)
స్వయంప్రభాభిర్నారీభిర్విమానస్థో మహీయతే।
రుద్రదేవర్షికన్యాభిః సతతం చాభిపూజ్యతే॥ 13-164-120(88003)
నానారమణరూపాభిర్నానారాగాభిరేవ చ।
నానామధురభాషాభిర్నానారతిభిరేవ చ॥ 13-164-121(88004)
విమానే గగనాకారే సూర్యవైడూర్యసన్నిభే।
పృష్ఠతః సోమసంకరో ఉదర్కే చాభ్రసన్నిభే॥ 13-164-122(88005)
దక్షిణాయాం తు రక్తాభే అధస్తాన్నీలమండలే।
ఊర్ధ్వం విచిత్రసంకాశే నైకో వసతి పూజితః॥ 13-164-123(88006)
యావద్వర్షసహస్రం వై జంబూద్వీపే ప్రవర్షతి।
తావత్సంవత్సరాః ప్రోక్తా బ్రహ్మలోకేఽస్య ధీమతః॥ 13-164-124(88007)
విప్రుషశ్చైవ యావంత్యో నిపతంతి నభస్తలాత్।
వర్షాసు వర్షతస్తావన్నివసత్యమరప్రభః॥ 13-164-125(88008)
మాసోపవాసీ వర్షైస్తు దశభిః స్వర్గముత్తమం।
మహర్షిత్వమథాసాద్య సశరీరగతిర్భవేత్॥ 13-164-126(88009)
మునిర్దాంతో జితక్రోధో జితశిశ్నోదరః సదా।
జుహ్వన్నగ్నీంశ్చ నియతః సంధ్యోపాసనసేవితా॥ 13-164-127(88010)
బహుభిర్నియమైరేవం శుచిరశ్నాతి యో నరః।
అభ్రావకాశశీలశ్చ తస్య భానోరివ త్విషః॥ 13-164-128(88011)
దివం గత్వా శరీరేణ స్వేన రాజన్యథాఽమరః।
స్వర్గం పుణ్యం యథాకామముపభుంక్తే తథావిధః॥ 13-164-129(88012)
ఏథ తే భరతశ్రేష్ఠ యజ్ఞానాం విధిరుత్తమః।
వ్యాఖ్యాతో హ్యానుపూర్వ్యేణ ఉపవాసఫలాత్మకః। 13-164-130(88013)
దరిద్రైర్మనుజైః పార్థ ప్రాప్యం యజ్ఞఫలం యథా॥
దేవద్విజాతిపూజాయాం రతో భరతసత్తమం॥ 13-164-131(88014)
ఉపవాసవిధిస్త్వేష విస్తరేణ ప్రకీర్తితః।
నియతేష్వప్రమత్తేషు శౌచవత్సు మహాత్మసు॥ 13-164-132(88015)
దంభద్రోహనివృత్తేషు కృతబుద్ధిషు భారత।
అచలేష్వప్రకంపేషు మా తే భూదత్ర సంశయః॥ ॥ 13-164-133(88016)

ఇతి శ్రీమన్మహాభారతే అనుశాసనపర్వణి దానధర్మపర్వణి చతుఃషష్ట్యధికశతతమోఽధ్యాయః॥ 164 ॥

Mahabharata - Anushaasana Parva - Chapter Footnotes

7-164-3 అవగుణైర్నిర్గుణైః। ఏకాత్మభిరేకాకిభిః। అత ఏవాసంహతైరసహాయైః॥ 7-164-6 కల్యం ప్రాతః॥ 7-164-10 సగాప్తే సంపూర్ణే ద్వే పద్మే వర్షాణీతి శేషః। శతకోటయ ఏకం పద్మం॥ 7-164-16 నివర్తనం నియమేన వర్తనం॥ 7-164-22 ఆవర్తనాని వర్షాణి చత్వారి ద్వాదశచేతి షోడశ పద్మాని। తథా శరాగ్నిరితి పంచత్రింశత్। ఏవమేకపంచాశత్పద్మాని॥ 7-164-27 పతాకా మహాపద్మాఖ్యసంఖ్యావిశేషః॥ 7-164-30 సుమనోవర్ణకం స్రక్చ్ందనాది॥ 7-164-59 శంకుపతాకే సంఖ్యావిశేషౌ॥ 7-164-82 సుధా అమృతం। అమృతం దేవభోగ్యం తదుపమం॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.